काभ्रे । काभ्रेपलाञ्चोकको तेमाल गाउँपालिका-३ कुण्डोलमा बस दुर्घटनामा परेको छ । बस दुर्घटना हुँदा एक जनाको घटनास्थलमानै मृत्यु भएको छ
।धादिङ जन्ती पुर्याएर फर्कने क्रममा ना४ख ८८१७ नम्बरको बस सडकबाट २०० मिटर तल खस्दा तेमाल-१ का ५० वर्षीय रामसिंह तामाङको घटनास्थलमै मृत्यु भएको प्रहरीले जनाएको छ ।
दुर्घटनामा बसका चालक मकवानपुरको बागमती गाउँपालिकाका ५० वर्षीय कृष्ण ब्लोन गम्भीर घाइते भएका छन् । उनलाई उपचारका लागि धुलिखेल अस्पताल पठाइएको छ ।
प्रहरीले घटनाको विस्तृत अनुसन्धान गरिरहेको जनाएको छ ।