कञ्चनपुर, मंसिर १७ सुदूरपश्चिम प्रदेश(कञ्चनपुर)का लवप्रतिष्ठित उद्यमी व्यवसायी लक्ष्मीदत्त पाण्डेयले नेपाल पत्रकार महासंघ कञ्चनपुरका अध्यक्ष सुरेश सिह धामीलाई उपचार सहयोग गरेका छन ।
कञ्चनपुर महेन्द्रनगरका स्थानीय समेत रहेका उद्यमी पाण्डेयले प्रण घातक क्यान्सर रोगसंग लडिरहेका पत्रकार महासंघका अध्यक्ष धामीलाई ५५ हजार रुपैया आर्थिक सहयोग गरेको जनाईएको छ ।उद्यमी पाण्डेयले धामीको प्रभु बैंक लिमिटेड शाखा महेन्द्रनगर ०२९०२४३०३२६०००१२नम्बरमा सिधै ट्रान्सफर गरेका छन । पाण्डेयले समाजिक क्षेत्रमा अहोरात्र खटिने पत्रकार धामीको उपचारका लागि सक्दो सहयोग गरेको बताए ।
साथै संघबाट समेत संस्थागत रुपमा छुट्टै सहयोग गर्ने जनाएका छन । धामी केही समयदेखि भारतको राजिवगान्धी क्यान्सर अस्पतालमा उपचारार्थछन । उनको उपचारमा ठुलो धनरासी खर्च हुने भएकाले सहयोगका लागि घरपरिवारदेखि पत्रकार महासंघले अपिल गरेको छ ।