डिल्लीराज पन्त कञ्चनपुर, मंसिर १५ कञ्चनपुरको भीमदत्त नगरपालिका १२ ऐरी ओदालीको बैजनाथ युवा जनसेवा समितिले गरिब विपन्न दलित समुदायलाई कपडा वितरण गरेको छ ।
शनिबार बैजनाथ युवा जनसेवा समितिले भीनपा १३ पिपैया हात्तीसारका गरिब विपन्न दलित समुदायलाई कपडा वितरण गरेको हो । बैजनाथ युवा जनसेवा समितिका अध्यक्ष अशोक बुढापालले चिलो छल्नका लागि झण्डै २५ परिवारका बालबालिका, युवा, जेष्ठ नागरिकलाई वितरण गरिएको छ ।
कार्यक्रममा भीमदत्त नगरपालिका १३का वडाध्यक्ष राम बहादुर बोहरा(झक्कास)ले बैजनाथ युवा जनसेवा समितिले समाजिक काम गरेको भन्दै धन्यवाद दिएका छन । कार्यक्रममा युवा जनसेवा समितिका पदाधिकारी सहितका जनप्रतिनिधीको सहभागिता रहेको थियो ।
