कञ्चनपुर, १३जेठ कञ्चनपुरको भीमदत्त नगरपालिकाले जारी गरेको सूचनाको नगरको एक सरकारी सहित २१ बोडिङ्ग स्कुलले अवाज्ञा गरेका छन । भीमदत्त नगरपालिकाले ११ देखि १३ जेठसम्म तीन दिने गर्मी विदा दिएको थियो ।
तर, पालिकाले दिएको गर्मी विदाको सामुदायिक विद्यालय सहितका निजी विद्यालयले अवाज्ञा गरेका हुन । बैजनाथ सिद्धनाथ मावि मटैना सहितका बाँकी सबै निजी विद्यालयलाई पालिका सरकारले स्पष्टिकरण सोधेको छ ।
मेधावी सेकेन्ड्री स्कुल, प्रभाव विद्या निकेतन, प्रकास मेमोरियल, रेडियन्ट, रेटिना ईन्टरनेशनल, सौगात ईङलिश बोडिङ्ग, हिमालय एकेडेमी, महाकाली बाल विद्यालय, कञ्चन बिद्या मन्दिर, ईन्टरनेशनल एकेडेमी, भुवनेश्वरी विद्या मन्दिर, द ब्राईटफ्युचर, जनज्योती सेकेन्ड्री, मेरिगोल्ड, बालजागृती, ग्वालेक, मोर्डन मन्टेश्वरी, एभरेष्ट ईभिरग्रिन, तारापुञ्ज ईङलिश बोडिङ्गलाई स्पष्टिकरण सोधिएको छ ।
भीमदत्त नगरपालिका शिक्षा, युवा तथा खेलकुद शाखा प्रमुख हरिदत्त जोशीले २२वटै विद्यालय सहितका संचालनमा रहेका नगरका अन्य सबै विद्यालयलाई स्पष्टिकरण सोधेका छन ।
शिक्षा शाखा प्रमुख जोशीले सोधिएको स्पष्टीकरण पत्रमा विदा सम्बन्धी सूचनाको अवाज्ञा गरेर किन विद्यालय संचालन गरेको, विद्यालय संचालन नगरी नहुने कारण के हो ?
दुई दिनभित्रै लिखित जवाफ दिन निर्देशन जारी गरिएको छ । पालिकाले लामो विदाबाट कट्टी हुने गरेर गर्मी विदा दिएपछि अवाज्ञा गर्ने विद्यालय अहिले फन्दामा परेका हुन ।
तर, अभिभावक स्तरबाट के भीमदत्त नगरमा मात्रै गर्मी हुने हो, जिल्लाकै अरु पालिकामा पनि गर्मी विदा नदिएको धारणा अभिव्यक्त गरिरहेका छन ।
विद्यालय सचालन गरेका विद्यालयका शिक्षकहरुले आईतबारको विदादेखि १४जेठदेखि १७सम्म लगाचार चार दिन विदा हुँदाहुँदैपनि पालिकाले गर्मी विदा दिएका बेला विद्यार्थीकै हकहित भविष्यदेखि कोर्ष संचालनका लागि कक्षा संचालन गरेको जनाएका छन ।