त्रिभुवन अन्तर्राष्ट्रिय विमानस्थलबाट एक थाई नागरिक पक्राउ परेका छन्। अवैध लागुऔषध गाँजा तीन किलो ४३५ ग्रामसहित थाइल्यान्डका नागरिक ३९ वर्षीय योंगुट थुइसनलाई आइतबार राति प्रहरीले पक्राउ गरेको छ ।
थाई एयरलाइन्सको उडानद्वारा बैंककबाट काठमाडौं आएका उनलाई खटिएको प्रहरीले जाँच गर्ने क्रममा उनको साथबाट उक्त गाँजा भेटिएको हो ।
उनलाई थप आवश्यक अनुसन्धानका लागि लागुऔषध नियन्त्रण ब्युरो कोटेश्वर पठाइएको विमानस्थल प्रहरीले जनाएको छ। थाइल्यान्डबाट नेपाल हुँदै भारतमा गाँजा तस्करी हुँदै आएको छ।